Горан Трајкоски

Menu

фото: Гаврило Миловановиќ

ТИВКО, ГРОМОГЛАСНО

Со своето повеќедецениско музичко творештво зад себе, Горан Трајкоски денес е една од музичките одредници не само во Македонија, туку и во регионот, а негова публика, иако не многубројна (но верна), ќе најдете и низ Европа и кон Исток. Од почетните, т.н. младешко-бунтовнички импулси со панкот, низ себепотрага и растеж во повеќе музички групи, кои среќно го одведоа до долгогодишниот длабински увид во океанот на македонското музичко наследство и резултираа со големите универзални дострели на Падот на Византија и особено Анастасија, кои потпомогнати од неговиот вокал отворија вонвременски портал во пластовите македонски национален, духовен и естетски идентитет.

Потоа, преку звуковно радикалниот „Ноктурнал“, и преку творечкиот и пејачкиот удел во силниот, антиглобалистички ангажиран (во идејно-концептуална смисла,) албум „Кобна убавина“ на Мизар, концепт жестоко антидистописки/антиполитички надграден во ретро-кабаретскиот музичко-сценски дизајн на „Циркус Еуропиа“, и низ децениското паралелно создавање театарска музика, изродувајќи некои од неговите најубави композиции, за потоа пак да не’ втурне во наследството, отклучано и пак заклучано во „Биоскопија“.

Сета оваа заднина генерално учествува и во последните два (соло) албуми, „На светов убавини“ и „Тешкиот глас на новите химни, се’ до денес, кога по се‘ всушност веќе и не е најважно тоа кој музички жанр или правец практикува, туку она што душата на композиторот искрено го распостила пред нас за да не’ допре некаде подлабоко од лажливите дневни сензации на умот. И секогаш авангардно.

Следствено, речиси е невозможно целосно да се согледа неговото музичкото влијание и наследство, не само затоа што е големо и распослано на поширока територија, туку и затоа што и самиот тој не се грижи многу за тоа, а и не е приоритет на оваа интернет страница. Важното е дека Горан не направи компромис, не не’ предаде, не се продаде на оксиморонот наречен музичка индустрија, естрада, или штогоде поп-комерцијализација. Доследен на своите идејно-концептуални ангажмани е и во „Тешкиот глас на новите химни“, за што, меѓу другото, сведочат и текстовите, па и игривата конзистентност со „незадоволството како естетска категорија“ преку две панк нумери, во албум кој е убедлива потврда на досега реченото за неговата музика.

Творештвото на Горан е бескомпромисно и не флертува со евтини трикови, туку продолжително стреми пругоре, кон вистинското облагородување на духот и страстите, што е и главната цел на музиката, така како што ја разбираме. И не само затоа што во неговата музика има литургиски елементи, туку таа во многу нешта треба да се третира како еманација на една високо естетизирана духовност, која авторот и со своите човечки доблести и уметнички дарби успева толку долго да ни ја пренесува. Оние што мислат дека неговата музика била тешка, та дури мрачна, всушност никогаш и не ја слушнале, а уште помалку го почувствувале вознесот на нејзината комплексна структура и спектралната, когнитивна чувственост.

Со свои зборови: „Никогаш не сонував за големи стадиони со подигнати раце, ниту за преполни плоштади над кои се подигаат прашина и здив на алкохол измешан со ферментирани испарувања на човечката утроба. Наспроти оваа слика, кога бев малечок секогаш замислував слика на некој мал или средно голем клуб, театарска или кино-сала, а некаде во дванаесетиот ред, или можеби во ќошот од вториот ред на бината, некој да си каже самиот на себе: отсега ќе бидам поинаков, подобар човек“.

Вистинскат уметноста има моќ да не’ направи подобри личности. Горан Трајкоски веќе долго време ја пее својата песна, некогаш длабока, некогаш остра, радикална и експериментална, некогаш минималистичка, или полифонична, некогаш тажна, неискажливо нежна, љубовна и сочувствена, висока, и секогаш автентична и инспирирана од најблагородни човекови побуди, олицетворени во она за што во принцип, ако сме искрени, и не може многу да се зборува или пишува – чистата музика, кон која Горан патува тивко, а сепак громогласно, заедно со возвишеноста на креативното духовно постоење во неговата најсилна еманација: убавината, макар и кобна. На светов убавини.

Крум Велков

1 – Како смртта умира, 2 – Глас од татковината, 3 – Кога робовите проповедаат слобода, 4 – Тапија на немоќта, 5 – Очи црни ископајте, 6 – Бессмислата на историјата, 7 – Слободен и мој (киднапирана револуција), 8 – На светов убавина, 9 – О гордост, 10 – Време – невреме

Сеад Хаџиќ – Сецко, гитара Благоја Неделковски, гитара, Игор Василев – Новоградска, бас, Петар Христов, саксафон, Димитар Димовски, тапани
Горан Трајкоски, вокал, гитара, програмирање
Снимено миксувано и продуцирано во “Тра-ла-ла” студио од Димитар Димовски и Горан Трајкоски
Дизајн – Ѓорески, Благодарност до Климе Ковачески, Јован Наумоски, Љупчо Стевановски.
Издавач М.К.Ц
ЈУ МЛАДИНСКИ КУЛТУРЕН ЦЕНТАР кеј Димитар Влахов бр. 15-МК – 1000 Скопје
тел. + 389 2 3115225 факс0+389 2 3115508, www.mkc.mk, info@mkc.mk

Падот на Византија

Апореа

купи го албумот

Анастасија - Пред дождот

Анастасија – Пред дождот

Полиграм, 1994

Анастасија -На реките вавилонски

Поета Негра, 1994

Анастасија - Мелургиа

Анастасија – Мелургиjа

Либра Мјузик, 1997

Анастасија - Ноктурнал

Анастасија – Ноктурнал

Трето уво, Либра Мјузик, 1998

Мизар - Кобна убавина

Мизар – Кобна убавина

Издавач: Авалон Продукција/Далас Рекордс 2004

Циркус Еуропија:

“Circle Of Neon Stars”, електронско издание, 2007

слушни го албумот

Велјанов:

„Порта Македонија” – Премиум Рекордс, 2008

купи го албумот

Горан Трајкоски, Елена Христова:

Биоскопија-СЏФ, 2011

слушни го албумот

На светов убавина

МНТ 2017, Македонија

слушни го албумот

2019/2020 Winter Live Shows

“Скомраси апсурдистански“, музика од филмот “Ругање со Христос“, февруари 2019

Лето 2018

ДРИМОН Фестивал, 27 јули, 2018, Струга, Македонија

Д-Фестивал 6 јули 2018, Дојран, Македонија

М.К.Ц. 15 декември 2017

фото: Сашо Димоски

фото : Сашо Димоски

фото: Деа Фирлих

фото: Сашо Димоски

фото: Беата Борковска (насловна страна)

Оrder a CD on mail corpus@t-home.mk

scrool

Back to menu

Лето 2018

Posted on мај 22, 2018 | by Goran Trajkoski

5 thoughts on “Лето 2018”

Best Dating Site says:

ноември 23, 2021 at 4:59 am

fi9bu1
Best Dating App 2021 says:

ноември 30, 2021 at 6:35 am

❤️ Alice want to meet you! Click Here: http://bit.do/fSJVK ❤️
Best Dating App 2021 says:

ноември 30, 2021 at 6:40 am

❤️ Alice want to meet you! Click Here: http://bit.do/fSJV3 ❤️
Free Gateway go free $400 says:

ноември 30, 2021 at 9:45 pm

❤️ Official Platform Uniswap Free Gateway go free $400! Click Here: https://telegra.ph/Official-Platform-Uniswap-Free-Gateway-11-30 ❤️
דירות דיסקרטיות ברחובות says:

декември 17, 2021 at 1:58 pm

אין ספק כי גברים רבים בישראל ובעולם כולו זקוקים לפתרון זמין, נגיש ומהיר השפעה שיתן להם מענה דירות דיסקרטיות בירושלים

Leave a Reply Cancel Reply